نازحة من الموصل تلوذ بناقلة للجيش العراقي

img

-قصيدة للشاعر عارف مامون
ألوذن بيچ ….
مالوذ بهلي الباعوني للسفاح
للچتال !
ألوذن بيچ واعرف ينستر كل حال
مادمت بحمه الخيّال
يافزعة عمامي…
الجايه من الهور
واعرف كل عمامي رجال
ستروني بعطر بارود
اريدن منه ثوب وشال
يفي السرفه مامكروه
اذا في بيتي بيد انذال
يهل الهور..
تلوثنه بهوه الكفار
نريد ترابكم ينهال
على كل راس مامحشوم
على كل بيت جاسه الشوم
يطهر اترابكم الاعمال
ويشرف كل جبين انهان
ويلبس راس ابوي عگال !

بعيني كل خطوه سواد..
وليله مابيها علي..
ميتمه العباد !
الليله بحساب اليتامه
الجوع زاد
الخوف زاد
الليله ماكو ألثام آمن
من يجيك يجيب زاد !
الليله بالتاريخ عثره..
وجرح أمه !
ولحظه مابيها حياد
الليله عوز الدين موقف
وياعلي…
بيها المراد !

729total visits,1visits today

الكاتب shababek

shababek

مواضيع متعلقة

اترك رداً