على هامش قمة البحر الميت…

img
عارف يصرح:أجينه أنام…
ونسولف جذب عل العام !
حررنه القدس بالشجب واستنكار…
ابيانات القمم عدنه الخبن بألهام !
اذا صبّوا غده كعدونه من النوم..
أچّاله طبعنه وبالثرد تسگام…
نظافه گلوب ماكو وازمة بالاخلاق..
اخذ من العرب بس كشخه بالهندام !
ادين ملطخه بدم الشعوب وجاي..
يحچيلي عله رحمه وخوّه بالاسلام !
واشك يعرفله آيه ويقره دون اخطاء..
المايعرف كلمته استاد بالادغام ؟!
وبيانات الختام تحل جميع الضيم.
ولكن بالفعل تلگاها بس احلام !
جهابذة العرب صح نوم مشكورين..
عباده النوم وانتم بالعباده اعلام !!
عارف مأمون

ربما تحتوي الصورة على: ‏‏3‏ أشخاص‏

في كلمته في القمة العربية..
ابن موزه ينتقد الحشد الشعبي المقدس !!
يبن موزه…
وكت خلّاك تحچي…
وترفع الجوزه !
نصدكك من تسولف بس على البعران..
المثلك مايمد بين الزلم بوزه
اليمد رگبه خنيثه ابين حشد سيوف…
تنگص من تمذرع يمهم اللوزه
أعله گد دولة قطر مد يالدثو رجليك..
يتحگرص المثلك..ونكشف عوزه
أمك خل تعلمك ..انت ابن شبرين..
لتناطح جبل بأجدام مهزوزه !
الينتقد الحشد عل الاقل زلمه يكون..
وأله وياهم مواقف كون مفروزه !
وانت شما نحسبك واضح العنوان..
اشما تكبر وتزغر ذاك ابن موزه !

664total visits,3visits today

الكاتب shababek

shababek

مواضيع متعلقة

3 تعليق على “على هامش قمة البحر الميت…”

  1. غير معروف

    صح لسانك انه‍ا الحقيقه المره لمثل ه‍كذا حثلات يتصرفون بمصير امه ورجالاته‍ا وتاريخه‍ا ومثلما قال المثل ،
    من قله الحمير. شدو على الجلاب اسروج

  2. ابو مخلص

    صح لسانك انه‍ا الحقيقه المره لمثل ه‍كذا حثلات يتصرفون بمصير امه ورجالاته‍ا وتاريخه‍ا ومثلما قال المثل ،
    من قله الحمير. شدو على الجلاب اسروج

اترك رداً