معلقات شعرية على ضفاف شط المجر..

img

شاعر المعدان كاظم اسماعيل كاطع..مع صوت روج الهور كريم منصور ..معلقات شعرية والحان تنبع من الضمير
الرحمة لروح الرائع كاظم اسماعيل كاطع وتحية من الاعماق لعندليب الجنوب الفنان كريم منصور…


رائعة الشاعر الراحل كاظم اسماعيل كاطع

-تغطيت وبعدني الليله بردان
لان مو انت يمي فراشي بارد
وينك يادفو يا جمر الاحزان
احس بدمي بالشريان جامد
يامهر الصبر ماكضت عنان
نسمع بس صهيلك وين شارد
كل ساعه وتعتني جفوف بطران
وانا جلد العلي قماشه بايــد
تعال اوزن هموم وجيب ميزان
وشوف شكد عذاب الروح زايد
أنسحبوا من حياتي هواي خلان
بقيت بعزه ماني الوحدي اعاند
سواد الليل يبقى وتطفي الالوان
واعيد بذكرياتك والمشاهــد
اذا كل طير عنده ثنين جنحان
انا مكسور وعشت بجناح واحد
على بئر المنايا وجيت عطشان
مجبور وشربت الماي راكد
وينك يالبعيد القلب مليان
غنا و بوسات ودمــوع وقصايد
وياك بعشرتي ياليل خسران
مثل عشرة النور وي الكواغد
لو طاهر حليبه الدهر ماخان
ضربني براسي غفله واني كاعد
تغطيت وبعدني الليله بردان
لان مو انت يمي فراشي بارد
وينك يادفو يا جمر الاحزان
احس بدمي بالشريان جامد


ﺍﻇﻠﻤﺖ ﻭﺍﻧﺘﻲ ﻣﺘﺎﻧﻴﻪ
ﺷﻤﺘﺎﻧﻴﻪ ؟؟
ﻭﻋﻴﻨﺞ ﺗﺼﺪ ﻟﻠﺴﺎﻋﻪ ﻭﺑﻜﻞ ﺛﺎﻧﻴﻪ
ﻭﺩﻛﺎﺕ ﻛﻠﺒﺞ ﺗﻨﺴﻤﻊ
ﺗﺒﺠﻴﻦ
ﺳﻜﺘﻪ ﺑﻼ ﺩﻣﻊ
ﻭﻣﺘﺎﻧﻴﻪ ..
ﻳﺒﻨﻴﻪ ﺩﻧﻴﻪ ﻏﺮﻭﺏ ﻳﺒﻨﻴﻪ
ﻭﺗﺄﺧﺮ ﺍﻟﻤﺤﺒﻮﺏ ﻳﺒﻨﻴﻪ
ﺳﺎﻋﺔ ﻭﻳﺠﻲ ﺍﻟﻠﻴﻞ ﻭﺗﻨﺎﻡ ﺍﻟﺪﺭﻭﺏ
ﻣﻠﻬﻮﻓﻪ ﺗﻨﺘﻈﺮﻳﻦ ﺗﻨﺘﻈﺮﻳﻦ
ﻭﺑﻜﻠﺒﺞ ﺍﻟﻨﺎﺭ
ﺗﻌﺒﺎﻧﻪ ﺷﻤﺲ ﺍﻟﺸﻮﻙ ﻧﺰﻟﺖ ﻟﻼﺷﺠﺎﺭ
ﺛﺎﺭﻱ ﺍﻟﻤﻮﺍﻋﻴﺪ
ﻣﺎ ﺗﻜﺘﻢ ﺍﺳﺮﺍﺭ
ﺳﺎﻋﻪ ﻭﺗﻬﺐ ﺍﻟﺮﻳﺢ
ﻭﺍﻟﺸﻌﺮ ﻳﺼﻌﺪ ﻓﻮﻙ ﻣﺜﻞ ﺍﻟﻤﺮﺍﺟﻴﺢ
ﻣﻦ ﻳﻜﺒﻞ ﺍﻟﻠﻴﻞ ﺩﻣﻊ ﺍﻟﻨﺪﻩ ﺍﻳﻄﻴﺢ
ﻳﺒﻨﻴﻪ ﺩﻧﻴﻪ ﻏﺮﻭﺏ ﻳﺒﻨﻴﻪ
ﻭﻣﺎﻇﻦ ﻳﺠﻲ ﺍﻟﻤﻬﻴﻮﺏ ﻳﺒﻨﻴﻪ
ﺳﺎﻋﺔ ﻭﻳﺠﻲ ﺍﻟﻠﻴﻞ ﻭﺗﻨﺎﻡ ﺍﻟﺪﺭﻭﺏ
سعدون قاسم العماري


ما مرتـــاح
ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
ما مرتــاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح !!
ولا جن الفجر مثل الفجر محبوب
لون الفجر صاير يقبض الأرواح !!
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
!!! صارعت المنيٌه وبيده هزني الموت!!!
ومدمٌى إطلعت :-
صفٌكًو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإييد بيها سلاح
عثرت مهرتي … وربعي قبل ما طيــح
واحد كًال للثاني
أبشـــــرك طـــــاح
أبشــــــــرك طــــــــاح

بقلم
كاظم الكاطع


شاعر شعبي عراقي. يعد واحد من اعمدة للشعر الشعبي في العراق ..كاظم إسماعيل الكاطع.

كاظم إسماعيل الكاطع يعود بجذوره إلى محافظة ميسان في العراق من مواليد 1950 م في بغداد. خريج الجامعة المستنصرية/كلية الاداب/ قسم اللغة الإنكليزية1974 م. يحمل شهادة الماجستير في الادب الإنكليزي من احدى الجامعات الهندية. عضو جمعية المؤلفين والموسيقين العالميين(باريس) عضو الاتحاد العام للشعراء الشعبيين في العراق ورئيسه في دورتين انتخابييتين عام 1993 و 1994.

لا يا طبيب اتوهمت والجرح ما شخّصته…
من كال انه احتاج الدوه…دخذ الدوّه الوصّفته…
مو هذا جرح البالجسم …بيّه جرح ما شفته…
رافكني واربينه سوّه ….لا عافني ولا عفته…
بيّه حجي الما ينحجي…وبيّه بجي الما ينبجي…
وبيّه سوالف من زغر …متعلمه اعله السكته…
لا يا طبيب اتوهمت والجرح ما شخّصته….
واتكلي كاتبلك عمر؟؟…عمريش هو العشته..؟؟؟
والمن تهمّك خالتي…حقك تهمّك حالتي…
ما شايف اللي شفته….
فراك وخلافات وقهر…وأقرب شخص ضيّعته…
لا يا طبيبي قصّرت…والجرح ما شخّصته…

989total visits,3visits today

الكاتب shababek

shababek

مواضيع متعلقة

5 تعليق على “معلقات شعرية على ضفاف شط المجر..”

  1. علي علي

    كريم سمعت واحد يقول كاظم اسماعيل كاطع اصله ايراني من عيلام ما تحققنه بهذا الموضوع
    كريم منصور 100% ايراني من عيلام لان شكله وعظمة وجهه مو عربية
    ********
    اخي العزيز
    العيلامي هو من اصبح بعثيا ويبيع علينا عروبة..والعيلامي هو من كره العراق ويبكي على اعتاب مسعود برزاني ليصبح كرديا قوميا..اما العراقي فهو كل من يحب العراق ويحب علم العراق ولايشعر بالنقص من ذلك..كما يفعل العيلاميين..اما كريم وكاظم فهم عراقيين حقيقيين..
    تحياتي

    • وانت ليش محروك كلبك على العيلاميين والوقاويق ياعلي علي يمكن انت عجمي

  2. الحلاوي

    (( يقولون لي لماذا تميلين للشيعة وتنصريهم في مقالاتك ))

    بقلم : الكاتبة العراقية المسيحية : إيزابيلا بنيامين

    منافقون مخادعون ثعالب عقارب لا دين لهم ربهم الشيطان لا اخلاق ولا قيم ولا شرف عندهم باعونا ونحن مسيحيون مثلهم هجمت علينا داعش في الموصل فكتبوا على بيوتنا حرف (ن) يعني نصراني والأكراد ادلائهم، ثم خيرونا بين الجزية او الاسلام او السيف فهرب من هرب منا بجلده تركنا الغالي والنفيس بلا ذنبٍ جنيناه مع اننا سكان هذه المناطق منذ اكثر من 3 آلاف سنة وبنينا حضارة لا يزال صداها إلى هذا اليوم الحضارة الاشورية.

    هدمت معاولهم كل تراثنا ومحت كل آثارنا وباعوا نساءنا في سوق النخاسة بأبخس الاثمان .

    البابا سكت وصمت وهفت وخفت .

    الغرب المنافق نطق على استحياء ، ليُنقذ ما تبقى من حياء وهل للعاهرة حياء .

    اوروبا المخادعة فتحت ابوابها لتُفرغ العراق من مسيحييه لأنهم يعرفون ان التقسيم آت، وتذرعوا بانقاذنا ولكنهم باعونا ووقفوا على انقاضنا .

    ولكن عجبي الذي لا يزول كيف يثق العربي والمسلم بهؤلاء
    اقولها من دون خوف او وجل هؤلاء صنائع الغرب اليهودي هو الذي اجلسهم على الكراسي وهم يعرفون انهم في يوم سيُعلقونهم على المشانق
    عشرة مليارات خلال سنة واحدة اشترت السعودية ودول الخليج اسلحة من الغرب، ماذا تفعل بها؟

    ولمن تريدها هل تحمي نفسها بهذه الاسلحة لو غضب اليهود عليهم او زعلت امريكا وقررت استبدالهم وانزالهم عن عروشهم ؟

    الم يتعظوا بالقذافي او بن علي . او علي صالح ، او صدام ، او حسني مبارك الذي صرخ في المحكمة : (لقد خذلونا وتركونا).

    يقولون لي لماذا تميلين للشيعة وتنصريهم في مقالاتك طبعا اقول لهم ان مقالاتي لا تُمجد احد ولكنها تُمجد الحقيقة التي لا تعجبكم .واقول لكم:

    عندما تعرضنا للمحنة بالموصل ولجأنا إلى الاكراد اغتصبوا نساءنا وسرقوا ما تبقى من اموالنا وكانوا يضعون علامة (ن) على بيوتنا، وعندما لجأنا إلى السنة بالرمادي وتكريت وغيرها طردونا وقالوا نحن لا نتحمل زعل جيش الدولة الاسلامي ولا غضب الثوار . طبعا لا يطلقون عليهم داعش

    فلجأنا إلى الشيعة ونحن خائفون منهم لما كنا نسمعه هنا وهناك. فوجدنا أن هناك دينا اسمه الاسلام لا يزال يزهوا بهؤلاء ويُحافظ على قيم وتقاليد لم نجدها في اي مكان آخر وعندهم مراجع كانهم انبياء يجلسون في محاريبهم ، بسطاء متواضعون حب الناس عندهم فرض ، وجلوسهم على الأرض .
    فتحوا لنا بيوتهم ولما لم تكفي فتحوا لنا المدارس ولما ضاقت بنا فتحوا لنا الحسينيات على طول طريق ديوانية نجف، نجف كربلاء، بابل كربلاء. والسيارات تتخاطف علينا لتوزع علينا الماء والطعام والكهرباء كل عشيرة تبرعت بحماية من يُقيمون على ارضهم إلى ان غادرنا الوطن فعرفنا ان الدنيا لا زالت بخير على ايدي هؤلاء
    حدثونا عن محمد النبي احببناه
    حدثونا عن علي كأنه المسيح
    حدثونا عن فاطمة البتول عشقناها كمريم
    جاؤوا الينا بالاعتذار لضعف الامكانات ونحن لم نصدق حجم كرمهم
    لقد صدقوا
    وحدثونا وحدثونا وصدقوا لان ما حدثونا به لم يكن كلام ولا شعارات لابل اداء يومي
    و تجربة وصدق معاملة وحفظ اعراضنا واموالنا
    نحن نسأل اين الكنيسة والحضارة
    اين اوروبا وداعاء الانسانية
    اين الغرب كله وحقوق الانسان
    اين الاسلام المدعى عربا
    وجدنا الدين .والانسانية .والرحمة
    وحسن الخلق.والعطف والمواسات بكل ما اصابنا
    عند جماعة تسمي نفسها الشيعة
    واتباع ابا الحسن
    ولديهم قدوة الفداء اصبح مقدس لدينا اسمه الحسين الشهيد وكربلاء
    لقد علمنا ما هي كربلاء وقد حلت بنا وهم رفعوها

  3. الحلاوي

    #وادي_القذف منطقة حدودية تابعة للعراق ممنوعة الدخول لانها تستخدم من قبل داعش ومؤسستها امريكا واسرائيل والاردن والسعودية لتنفيذ مخططاتهم الارهابية والتخريبية داخل العراق.
    تعرف على منطقة وادي القذف
    لماذا لا نستطيع الدخول عليه عن طريق كوكل ايرث
    هنا بيت القصيد اسمع وشوف وشكك اهدومك
    https://www.facebook.com/khatwnkhla/videos/1792388041078689/

اترك رداً

Protected with IP Blacklist CloudIP Blacklist Cloud