الغابة

img

قصيدة للشاعر عارف مأمون

وطن مايستحي مدري الشعب موزين

من دون الشعوب امتيّه حسابه ؟!

حلوب وخير كاعه واهله جوعانيين

وكل حاكم يجيه يصير حلابه

اليسلب كبل مجرم خارج القانون

هسه بظله صارت عدنه سلابه

وكبل قانون فوضى انكال عن الغاب

ابشرك هسه زدنه هواي عل الغابه

اكتشفنه الحرف الاول عود فرحانيين

وتاليها رجعنه انشوه الكتابه !

لو بيدي يصح واشطب على التاريخ..

واكشفها الحقائق وانزع انكابه

من ياعرب احنه وكلها زور بزور

بتاريخ العرب لعبت النسابه !

نتعارك عليمن غير احنه اسلام ؟

بعض طحنه ابعض والشاهد ارهابه !

جزعنه من العمر وسنينه مغربات

مابينه اعله تفكه وصوت دبابه

ومابينه بعد ناكل خبز وي سيم

بعد خبز الحصار بروحنه ترابه

(جزنه من العنب ) بالشجره طاح الفاس

لحكت عل الرگاب انوب الطلابه !

977total visits,2visits today

الكاتب shababek

shababek

مواضيع متعلقة

2 تعليق على “الغابة”

  1. احسنت يا عارف مامون طرقت باب الحقيقه والتي يمر بها العراق وشعبه المظلوم وهذا الظلم اتى من عملاء اليانكي والوهابيه مثل الخائن البرزاني والاخر الخائن ابن الخائن لمن ينكطع النفس اثيل النجيفي واخيه حصان ريسزز الوهابيه والاتراك وكذلك علاوي وخونة الشيعه وهم كثار والحمد لله اولهم مقتدى الممسوخ وعمار الدجال ,اخي طبعا القائمه تطول باسماء هؤلاء النكرات ولكن العراق سوف يبقى شامخا بفضل وجود العتبات المقدسه ورعاية الله وصاحب الزمان عج لها , والله لو ما يخافون لكان باعوا المراقد الشريفه هي وذهبها , انا لله وانا اليه راجعون .

  2. ممنون من تسويتكم التاريخية !

    حزب البعث لاعب بيها طول بطول
    والساكَـ المطي يستحي من زرابه
    بعد هالتسوية عليمن ويا تاريخ
    عمار اليكتبه و أبـ كَـلل جابه !

اترك رداً